துரோகம்...

தொலைத்தூரத்தில் இருந்து

தொடர்ந்து வருவதில்லை

நெஞ்சுக்குள் இருந்தே

நம்பிக்கை மீதினில்

நஞ்சினை கக்கியே

நாம் அறியாமலே

நம்முள்ளும் வளர்கிறது துரோகம்.

பொழிந்திடும் அன்பினை

இழந்திடும் போதினிலும்

பொங்கிடும் ஆசைகள்

கரைபுரை ஓடிடும் போதிலும்

தஞ்சமே இன்றி மனம்

தவித்திடும் எண்ணத்தில் - தான்

நினைத்ததை நிறைவேற்ற

போராடும் வேளையில்

பிறர் முன் துரோகி...

நேசிக்கும் நெஞ்சங்களுக்காய்

நினைவுகளை நெஞ்சினில்

புதைத்து பூட்டிடின்

உன்னத உணர்வுகளுக்கும்

உன் மனதுக்கும் நீ துரோகி..

புன்னகையோடு புகழ்ச்சியை

கெடுத்தே தினம்

இழப்புக்களோடு இகழ்ச்சியை

வளர்த்தே அதில்

தன்னை வளர்க்குது துரோகம்.