நினைவுகள்

இரவிலும் வருகிறாய்

பகலிலும் வருகிறாய்

அமாவாசையிலும் வருகிறாய்

பெளர்ணமியிலும் வருகிறாய்

குளிரிலும் வருகிறாய்

உடல் எரிக்கும் 

வெப்பத்திலும் வருகியாய்

சில நேரங்களில்

இன்பம் தருகிறாய்

பல நேரங்களில் 

கண்ணீரை தருகிறாய்

நீ யார் என கேட்டால்,

மெளனமாய் சிரிக்கிறாய்,

இம்சைகள் பல கொடுத்து

வஞ்சிக்கும் உன்னை 

கொலை செய்ய எண்ணுகிறேன்

ஆணவமாய் சிரிக்கிறாய்,

மரணமில்லாதவன்

நான் தான் உன் 

நினைவுகள் என்று.....

மரண வாசல் திறக்கும் வரை...

என்னை சுற்றி பல உறவுகள் 

இருந்து என்ன பயன்..?

மனதில்

தனிமையை சொந்தமாக்கி..

நடிப்பே வாழ்க்கையாகி...

நாடித்துடிப்பின்றி நடைப்பிணமாய்...

நால்வர் முன் போலியாய் சிரித்து...

தனிமையிலே கண்ணீர் சிந்தி...

என்னை நானே சமாதாப்படுத்தி..

இறைவனிடம் முறையிட்டு...

என் மனதை திடப்படுத்து...

காலத்தை நகர்த்துகின்றேன்...

மரண வாசல் திறக்கும் வரை...

நம்பிக்கை....

பொட்டு வைத்த 

பெண் நிலவே!

உன்

உன்னதமான உணர்வுகள்

என்னை ஆட்சி செய்வதால்

தொலைவாகி போனாயோ

தொட முடியாத தூரத்தில்

நான் இருக்கிறேன்.

வரட்சியான இரவில்

நடை பிணமாய் 

அலைந்தை என்னிடம்,

குளிர்சியாய் 

அன்று நீ வந்து

சிந்திய வார்த்தைகளை

இன்னும் நான்

காற்றலையில் 

தேடியலைகிறேன்...

புரிந்து கொண்டேன்

இறந்த போன

உணர்வுகளுக்கும்

நாடி நரப்புகளில் புகுந்து

புத்துயிர் அளிக்கும்

அதிசயத்தை 

உணர்ந்து கொண்டேன்

அவள் சொரியும்

ஒட்சிசனான பாசத் துளிகளில்..

இடி விழுந்த சோகம்

வாழ்க்கை விழுக்கும்

தருணங்களிலும்

தலை நிமிரும் சூட்சுமம்

அறிந்து கொண்டேன்

அச்சுணனின் வில்லாய்

அவளின் துணிவில்..

பூக்களுக்குள்ளும்

பூகம்பம் உண்டு என்று

புரிந்து கொண்டேன் - அவளின்

வார்த்தைகளின் பிரளயத்தில்..

புதுவருட வாழ்த்துக்கள்

வாழ்க்கை எனும்

பயணத்தை 

வளமுடனே பயணதித்திட

புத்தாக்கம் அளித்திட

புதிதாய் பிறக்கிறது

நந்தன புதுவருடம்.

மங்களம் பொங்கும்

இந்நாளில்

புது பானையில்….

புதிய எண்ணங்கள்

புதிய முயற்சிகள்

புதிய நம்பிக்கைகள்

புதிய திட்டங்களை 

அறிவு எனும் 

அகப்பையை கொண்டு

உழைப்பு எனும் 

தீயை மூட்டி

பொங்கட்டும் புதுவாழ்வு.

நண்பர்கள் அனைவருக்கும் நந்தன புதுவருட வாழ்த்துக்கள்

உன்னை என்னில்!

ரம்மியமான இரவுவேளையில்

வானம் அமைதியில் கிடக்க

நிலவோ புன்னகையுடன்

நானோ கண்ணீருடன்...

விரிந்த கிடக்கும் 
வானத்தில்,

திட்டுத் திட்டாய் 

முகில் கூட்டம் - என்

மனதின் எண்ணவோட்டத்தில்

பரந்து கிடப்பதோ

உன் நினைவுகள்.

சஞ்சலமடைந்த மனசு

அமைதி இழந்து

தனிமையில் சிக்கி

தவிக்கும் வேளையில்,

குளிர்ச்சியுடன் வீசும் காற்று 

உரசி செல்கையிலும்

நினைவுத் தீ 

மூண்டு எரிகிறது

கருகியே போகிறேன் 

முழுவதுமாய்..

சதியாகி போன

வாழ்வை எண்ணி,

வானத்தில் மூழ்கி

கரைந்து போகும் 

விண்மீன்களைப் போல்

புதைத்து விட்டேன் 

உன்னை என்னில்!

எதிர்காலம்...

கருவாய் உருவாகி

உருவாய் அரங்கேறி

பருவங்கள் பல தாண்டி

வருங்கால வாழ்வை நோக்கி

நெருக்குது நாட்கள்

சிந்தனை பெருகி

சிகரத்தை தாண்டிட

நின்று நிலைக்குது

நிதானத்துடன் வாழ்வை

நேர்வழி நகர்ந்திட

பந்தங்கள் அனைத்தையும்

பாசத்தால் அலங்கரித்து

வசந்தங்கள் எல்லாம்

என் சுவாசமாய்

வாசம் வீசி 

என் வாசல் சேரும்

என்ற நம்பிக்கையில்...

தர்மயுத்தம்..

நிலவோடு, 

மெளனத்தால் உறவமைத்து

கதை பல பேசி

கரைந்து போகிறது நாழிகை.

நிஐம் என நினைத்து,

நிழலோடும் வாழ்ந்தும்

கனத்து போகிறது இதயம்.

நிறுத்தாமல் ஓடும்

கடிகார முள்ளுக்கும் 

எல்லையுண்டு - ஆனால்

நான் நான் போக 

திசைகள் இல்லை. 

இருட்டில் இருந்து

வெளிச்சத்தை தேடும் 

அவலம் இன்று.

ஏன் என்னும் கேள்விக்கு

விடையில்லா தொடர்கதை.

தேடும் இடமெங்கும்

வழிந்து கிடக்கிறது முகங்கள் 

ஆனால்,

நான் தேடும் விழிகள் 

இல்லை அங்கு.

தேன்கூடாய் இருந்து வாழ்வில்

கல்லெறி பட்டதாய் வலிகள்

உதயத்தை தொலைத்து 

இதயத்தை கிழித்து விட்டேன்

துண்டிலில் பட்ட மீனாய்

பொறிக்குள் சிக்கி விட்டேன்.

நாலுபக்கமும் தாக்குதல் நடத்த

ஒவ்வொன்றையாய் 

என்னை விட்டு போக

எனக்காக யார் இருப்பார் எனி?

வெறுக்கும் உள்ளங்களுக்குள்ளும்

ஜெயிக்க துடிக்கும் மனசு,

பரிகாசம் செய்பவர்களுக்கு

வாழ்க்கையை புரிய வைக்க

போராட தயாராகும் எண்ணம்,

நினைத்ததை முடிக்க

தொடங்கிற்று தர்மயுத்தம்

வெற்றிகள் எனதாகலாம்

வாழ்வும் வெளிச்சமாகலாம்.

இல்லையேல்,

நாளை நானும் ஞானி ஆகலாம்....