பெத்தவங்களுக்காக....

 உச்சரித்தேன் முதல் முதலில்

ஓர் வார்த்தை - தன்

உதிரத்தில் என்

உருவத்தை உருவடித்து

கருவமைத்து இவ்வுலகம்

காண வழி சமைத்த

என் கண் கண்ட தெய்வத்தை

அம்மா என்று - தாம்

உள்ளம் மலர - இவ்

உலகினிலேயே உதித்த இவள்

வையத்திலே வளமுடனே

வாழ்வாங்கு வாழ்திடவே

வாழ்க்கை என்னும்

பயணத்தின் படிகளிலே

படிக் கற்கள் பல தாண்டி

சிகரத்தை அடைந்திடவே - தன்

சிந்தனையை செயலாக்கி

உதிரதத்தை உரமாக்கி

ஊட்டிற்றார் தந்தையுமே - தம்

பெற்ற பிள்ளை

பாரினிலே பரந்து

புகழ் பரப்புவதற்கு

பசி உறக்கம் பாராது

பகல் இரவாய் உழைத்திட்டார் - இவர் (கள்)

பட்ட துன்பம் அத்தனைக்கும்

பாலம் அமைத்து - இவள்

பரந்து புகழ் பரப்பிடுவாள்

பாரினிலே...