ரோஜாக்கள்

காதல்..

2012-02-13T22:23:00.000-08:00

காதலே!
இளசுகளின் மனங்களின்
அதிபதியாயம்
உன் வரவால்
முழுமை அடைகிறேன்.
சிட்டாய் பறந்த உன்னை
சிறைப்பிடித்து
இதயத்தில் ஆதரிக்கின்றேன்.
மென்மையான உன்னை
நித்தமும் பூசிக்கிறேன்.
பசுமையான கனவுகளில்
உன்னுடன் கலக்கிறேன்.
என்னுள் நீ இருப்பதால்
உலகையே மறக்கிறேன்.
மனம் என்னும் மாளிகையில்
ஓய்யாராமாய் நீ புரியும்
குறும்புகளில் குதுகலிக்கிறேன்.
ஓயிராயிரம் ரோஜாக்களில்
நீ மட்டும் தனித்துவமாய்
தங்கமாய் ஜொலிப்பாதாய்
என்றும் உணர்கிறேன்.
இவை யாவும் கனவானதினால்
கண்ணீரும் வடிக்கிறேன்.

நண்பர்கள் அனைவருக்கும் காதலர் தின நல்வாழ்த்துக்கள்

காதலே...

2012-01-24T08:52:00.000-08:00

கண்களில் சிறைப்பட்டு

இதயத்தில் உயிர் பெற்று

நினைவுகளில் படர்ந்து

பரிதவிக்கும் காதலே

வந்த வழியே

மீண்டும் செல்வாயோ?

முட்களில் உறங்கும்

இதயக் கூட்டில்

உனக்கேது வேலை இங்கு?

நேற்று வரை இல்லாத

தவிப்புகளை என்னில்

தொடரலையாய்

ஏற்படுத்தும் உன்னை

அரவணைக்கும் எண்ணமில்லை.

சிந்தனையை கலைத்து

சிதறடிக்கும் உன்

உன்னத உணர்வால்

சீர்குலைகின்றது

என் வாழ்க்கை..

ஆயுதமின்றி

எனை தாக்கும் உன்னை

தாக்கும் பிடிக்கும் தைரியம்

என்னிடம் இல்லை.

நிம்மதி நிலை குலைந்து

நிர்கதியாக நிற்கும்

என்னை விட்டு ஓடு..

நாளைய பொழுதுகள்

எனக்காகவும் விடியலாம்

அன்று சந்திக்கலாம்.

அதுவரை

நினைவுகளை மட்டும்

எனதாக்கி விட்டு செல்

காலமெல்லாம்

நானாகவே வாழ்ந்திடுவேன்.

தவிக்கிறேன்

2012-01-20T20:22:00.000-08:00

நடக்க நினைக்கிறேன்

பாதை எங்கும் இருளாக

உறங்க நினைக்கிறேன

படுக்கையெல்லம் முட்களாக

வாழ நினைக்கிறேன்

எங்கும் சூனியமாக

அன்பைத் தேடுகிறேன்

எல்லாம் ஏமாற்றமாக

திசைகள் இன்றி

தவிக்கும் படகு போல

தவிக்கிறேன் நானும்

தனிமரமாய்....

பொங்கல் நல்வாழ்த்துக்கள்....

2012-01-14T13:36:00.000-08:00

பழையன கலைந்து

புதியன அணிய

வந்திடும் திருநாளாம்

தைப்பொங்கல்.

வேர்வையினை உழைப்பாக்கி

நம் உண்ண உணவளிக்கும்

உழவனுக்கு விழா எடுக்கும்

பெருநாளாம் இன்று..

பூமியின் அசைவுக்கு மட்டுமன்றி

மனித மனங்களின்

இருளை போக்க

உதித்திடும் சூரிய தேவனுக்கு

நமஸ்காரம் செலுத்திடும்

திருநாள் இன்று

பானைகளில் பொங்கிடும்

நுரை போல

மனித மனங்களில் என்றும்

இன்பம் பொங்கி வழிந்திட

தமிழர் தாயகமெங்கும்

செழுமை பொங்கிட

வாழ்த்துகின்றேன் நானும்

பொங்கல் நல்வாழ்த்துக்கள்....

புதிய ஆண்டில்....

2011-12-31T04:36:00.000-08:00

சோதனை பல சபித்து - அதில்

மனிதனை வேதனையில்

விழ வைத்து

வெற்றி பயணத்தினை முடிந்து

விடைபெற தயாராகி விட்டது

2011.....

ஓராயிராம் ஆசைகளும் ஏக்கங்களும்

நம்முள்ள....

யுத்தம் என்னும்

வேள்விக்குள் தீக் குளித்து

கேள்விக் குறியோடு

அலைந்து திரியும்

எம் தேசத்து உறவுகளுக்கு

விடை கிடைத்திட...

இயற்கையின் சீற்றதில்

சின்னாபின்னமாகி போன

பல ஆயிரம் உயிர்களை

எனியும் இழக்காமல் இருக்க

இயற்கையின் சமநிலையை காத்திட...

தோல்வியே வாழ்வாக

துவண்டு போன உள்ளங்களுக்கு

சூரிய உதயமாய்

வெற்றிகள் மட்டும் கிடைத்திட....

கண்ணீரில் கரைந்து

பாசைகளை மெளனமாக்கி

சோர்ந்து போனவர்களின் உள்ளங்களுக்கு

புன்னகை மட்டும் வரமாய் கிடைத்திட...

லட்சியம் ஏதுமின்றி

கட்டாகலி மாடுகளாய்

அலைந்து திரியும்

இளைஞர் கூட்டத்தில்

தன்னப்பிக்கை என்னும்

அட்சயபாத்திரம் ஊற்றெடுத்திட...

எண்ணற்ற கற்பனையில்

ஏங்கி அலையும்

மனித மனங்களின்

ஆசைகளை பூர்த்தி செய்திட...

பிறக்க போகும் 2012

வரமாய் அமைய

வாழ்த்துகின்றேன்....

மரணத்தின் பின்னால்...

2011-12-27T03:43:00.000-08:00

மனித சிந்தனைக்கு

அப்பாலும் சில

புதிய தேடல்கள்

விரிந்தே கிடக்கின்றது

சிலரது ஒரு நாள்

ஒரு சரித்திரம்!.

சிலரின் வாழ்நாள்

முழுவதும் சூனியம்.

வாழும் போது தெரியாத

வாழ்வின் தத்துவம்

இறுதி மூச்சில்

மரணம் எனும்

வேள்வியில் உணர்கிறான்

மனிதன்!

மரணத்தை தெரிந்த

மனிதர்கள்

வாழ்கின்ற போதே

வளர்கின்றனர்.

மாலையில் மரணிப்போம்

என அறிந்துதான்

மலர்கள் மகிழ்சியாய்

இதழ் விரிக்கின்றன..

கடலோடு கலந்திடுவோம்

என அறிந்தும்

சலனமின்றி சலசலத்து

ஆறுகள்

மகிழ்ச்சியாய்

கடலினை முத்தமிடுகின்றன..

இறப்பை உணர்ந்து

இருக்கின்ற காலத்தை

இன்பமாய் கழிக்கும்

இயற்கையின் லாபவம்

மனிதனுக்கு

பிடிபடுவதே இல்லை என்பதே

துரதிஷ்டம்...

பூக்களின் சொந்தக்காரியே!

2011-12-15T07:42:00.000-08:00

தோழியே!!

மறைந்தாயோ என்னை? - இல்லை

மறக்கடிக்கபட்டாயோ?

என் கவலைகள் மறந்து

மனம் விட்டு பேச

மணிக் கணக்கில்

அரட்டை என்னும் பெயரில்

ஆயிரம் கதை சொல்லி

குதுகலித்திடும் அலைபேசிகள்

சலனமின்றி சமாதியானது

உன் மெளனத்தினால்,

தொலைவாகி போனதால்

தொலைந்து போனதா

உன் இதயம்...?

நெருங்கிட நினைத்தாலும்

வார்த்தையால் வெடிக்கிறாய்

உதிர்ந்திடும் நிமிடங்களில்

சிலிர்த்திடும் சினங்களினால்

சின்னாபின்னமாகிறது

நட்பின் ஆயுள்.

அறியாமையில் நீயூம்

ஆணவத்தில் நான் மட்டுமோ?

பூக்களுக்கு சொந்தகாரியே!

மென்மையான உன் இதயம்

அணுகுண்டாய் மாறும்

அபாயநிலை அறியாயோ?

மனம் விட்டு பேச

ஆயிரம் கதைகள்

சிந்தியே கிடக்கிறது - ஆகையால்

சிதறுகிறது என் மனம்.

சோகங்களை மட்டும் - எனக்கு

வரமாய் தந்துவிட்டு சென்றதினால்

நாடி தளர்த்து,

உடல் சோர்த்து

உயிர் போகும் வரை

ஓயப்போவதில்லை

என் புலம்பலும்.....

மனசு....

2011-12-11T02:48:00.001-08:00

திசைகள் இன்றி

திண்டாடிய மனம் ஒன்று

பாவை அவள்

பார்வை தீண்டலினால்

பக்குவமானது அன்று...

இதய கூட்டினை உடைத்து - அதில்

அவளை தான் இருத்தி

நேசிக்கத் தொடங்கியது அன்று..

படிப் படிப்யாக - அது

இமயமாக வளர்த்து

காதல் என்னும் போர்வையில்

ஆட்சி செய்கின்றது இன்று...

உதிரத்தில் கலந்திட்ட அவள்

உயிருள்ள வரை

உயிர்நாடியாய் தன்னுள்

என்றும் இருப்பாள் என்னும்

நம்பிக்கையில் காலம் நீள்கிறது.

நினைவெல்லாம அவளானதால்

நிம்மதியின்றி தவிக்கின்றது தினமும்

யாரும் அறியாமல் தன்னுள்

புகுந்து அவள் புரியும்

சிந்து விளையாட்டக்களால்

சித்தம் கலக்கி நிற்கின்றது மனசு...

இருளின் கருமையில்

இமைகளின் ஓரம்

துளிரும் கண்ணீர் துளியில்

சுகமான அவள் நினைவுகள்

ஆறுதல்படுத்துகின்றது

மூன்றாவது கையாய்.....

பெண்ணே!

உயிர் தொலைந்தது உன்னிடத்தில்

இருந்தும்..

இதயத்தில் உருவாக காதலை

உனக்காக கவிதையாய்

எனக்குள் மெளனமாக்கிறேன்...

உன் காதலால்...

2011-11-30T06:34:00.001-08:00

உள்ளங்கள் இரண்டிங்கு - தம்

உணர்வினை பகிர்ந்து

உண்மை அன்பினால்

உருவான கரு காதல்..

இதயங்கள் இட மாற

நினைவெல்லாம் நீயாக

என் சுவாசம் தொலைந்து

உனையே நேசிக்கிறேன்

என் கண்ணில் இருப்பது

கருவிழியா அல்ல நீயா

இதயம் துடிக்குதா அல்லது அங்கே

உன் பெயர் ஒலிக்குதா?

இதயத்தில் உதயமாகி

உதிரத்தில் ஊற்றெடுத்து

உடலெங்கும் பரந்தோடும்

உன் காதலால் - இவ்

உலகத்தில் வாழுது என் உயிர்.

நட்பு..

2011-11-27T18:45:00.001-08:00

எண்ணங்கள் ஒன்றானதால்

எதிர்பார்ப்பு எதுமின்றி

உருவான துணை ஒன்று - என்

வாழ்வில் உற்ற துணையானது

உயிர் நட்பாய்...

சுற்றி சுற்றி வட்டமிடும்

இவ் வாழ்வில்

கட்டங்கள் பல கடந்து

சட்டங்கள் பல தாண்டி

திட்டமிட நல் வாழ்வை

உடனிருந்து திடமாய் - என்றும்

உழைப்பது உண்மை நட்பு..

தனக்கென இல்லாது

நமக்கென அனைத்தையும்

பகிர்ந்திட்ட போதிலும்

பழியினை தான் ஏற்று

பாரினில் என் புகழ் வாழ

பக்குவாய் பக்கத்திலிருந்து

உழைக்குது நட்பு..

உறவேதும் இல்லாது

உணர்வால் உருவான உறவு இங்கே

உதிரத்தினை உழைப்பாக்கி - தன்

உயிரிலும் மேலான எனை தாங்கி

உண்மை நட்பின் உன்னததை

உலகுங்கு பறை சாற்றுகிறது இங்கே...

கண்ணீர்..

2011-11-19T11:55:00.001-08:00

மனித மனங்களின்

தாரக மந்திரம்

கண்ணீர்..

கடல் என நீண்டு செல்லும்

நினைவலைகளில்

சிக்கித் தவிக்கும் உள்ளங்களின்

உண்மையான நட்பு

கண்ணீர்...

வலிகளை மறக்க செய்ய,
கடவுளின் அன்பு பரிசு,

கண்களை சுத்தப்படுத்தி

இதயங்களை இதமாக்கி

பாவங்களின் மன்னிப்பாய்

கண்ணீர்...

இரவின் மடியில்

தனிமையின் பிடியில்

படுக்கையறையில்

தலையணையுடன்

சண்டையிட்டு - இளம்

பெண்கள் பேசும்

மெளன பாஷை

கண்ணீர்..

பிறப்பிலும் கண்ணீர்

மனித இறப்பிலும் கண்ணீர்

நட்பிலும் கண்ணீர்

காதலிலும் கண்ணீர்

வலியிலும் கண்ணீர்

சந்தோசத்திலும் கண்ணீர்

இழப்பிலும் கண்ணீர்

ஒன்றை பெறுவதிலும் கண்ணீர்

கண்ணீர்!!!

இன்றைய மனித வாழ்வில்

உயிர் காவியம்....

சிசு பேசுகின்றேன்....

2011-11-12T20:17:00.001-08:00

தாயே!!!

சிசுவான என்னை

சிறை பிடிக்கின்றது

ஆயிரம் எண்ணங்கள்

எதிர்காலத்தை எண்ணி...

அன்னையே!

என்முகம் அறிந்திருக்க

உனக்கு வாய்ப்பில்லை

உன் ஒவ்வொரு அசைவிலும்

உன்னை வடிவமைகிறேன்.

உன் உணர்வுகளின் துடிப்பில்

உன்னை புரிகிறேன்

உன் மூச்சின் ஒலியின்

வெளியுலகின் நிலையை உணர்கிறேன்

சொர்க்கமான

உன் குட்டி வயிற்றில்

செழுமையாய் வாழுகிறேன்

உன் வாய் மூணு மூணுக்கும்

இசை கேட்டே

நிம்மதியாய் உறங்குகின்றேன்.

உன் கண்களில்

கண்ணீர் குளமாகும் போது

நானும் அழுகிறேன்.

உன்னில் சிரிப்பனை காண

எட்டி உதைகிறேன்

உன் முகம் மலர்கிறது

இவற்றை நானும் ரசிக்கின்றேன்

உன் அசைவுகளின் மூலம்..

இருந்தும்

நாளைய தினம்

நான் வெளி உலகம்

காண வேண்டிய நிர்ப்பந்தம்

ஆகையால்,

அச்சம் என்னை அரவணைக்கின்றது

நாளைய என்

எதிர்காலத்தை எண்ணி..

காதல் பட்சி..

2011-11-05T10:19:00.000-07:00

பட்சியே!!!

உன்னை காணும் வரையில்

என்னை தீண்டியதில்லை

காதல்...

நீ ஜோடியாய்

ஒய்யாரமாய் மரத்தடியில்

காதல் மொழி பேசுகையில்

கனக்கிறது என் மனம்

காதலை எண்ணி...

பட்சியே!!

உனக்களித்த சிறகுகளை

எனக்கும் அளித்திருந்தால்

பகமை இல்லாத

இடம் தேடி

பறந்தே போய் இருப்பேன்

காதல் கிளி அவளுடன்...

அன்பில் இணைந்து

பாசத்தில் பிணைந்து

கனவுகள் வளர்ந்து

தினம் தினம்

எண்ணங்களை கவியாக்கி

காதல் ராகம் பாடுகிறேன்

அவள் நினைவால்...

பட்சியே! அறிவாயா?

காதலின் இனிமைக்குள்

ஒளித்திருக்கும்

ரணங்களின் கொடுமையை..

நித்தம் நித்தம்

பித்து பிடிக்க வைக்கும்

அவள் நினைவுகள்

செத்தும் பிழைக்கிறேன்

காதல் புரியும்

தர்ம கொலைகளில் இருந்து..

மன்னித்துவிடு...

2011-11-02T01:33:00.000-07:00

மனச்சாட்சியே இன்றி

இழைத்து விட்டேன்

பெரும் துரோகம்

மன்னிப்பாயா? - இந்த

அறியாமையின் அசிங்கத்தை...

தனிமையின் கொடுமை

உணர்வுகளின் போராட்டம்

இழப்புகளின் இயலாமை

பாசத்தினை வலை விரிப்பு

தவிப்புகளின் அதிகரிப்பில்

இழைத்து விட்டேன்

பெரும் சங்கடத்தை..

மனதிலே ஆயிரம் வலி

ஒவ்வொறாய் சொல்லிட

ஓராயிரம் அழைப்புகள்

பயனற்று போனது

எதிர்பார்ப்புகள்.

அசுரனாய் மாறிய என் மனம்

அழிந்து விட்டது

உன் நிம்மதியை..

வருந்துகிறேன் இப்போது

அங்கணப் பொழுதுகளை எண்ணி..

கனவில் கூட நினைத்தில்லை - உன்

கண்ணீரில் கவி பாட

இடியாய் இன்னும்

அதிர்ந்து கொண்டிருக்கிறது

என் இதயம் - உன்

அழுகையின் ஓசையிலே..

மன்னித்து விடு என்னை..

மெளனம்

2011-10-27T11:12:00.000-07:00

உன் சுட்டுவிரல்

காட்டும் திசை நோக்கி

பாய்ந்தோடும் என் மனசு - இன்று

கற்களிலும் முட்களில்

சிக்கி தவிக்கும் நிலையினை

நீ அறியாயோ...

நேற்றுவரை நீ

என்னோடு இருந்த

பசுமையான நினைவுகள்

இன்று பற்றி எரிகின்றது

ஆயிரம் எரிமலையாய்..

நெருப்பாற்றை கடக்கும்

நிலையறியாது தவிக்கும்

என் நிலை அறியாயோ...

என் வாழ்வின் வெற்றிகள்

உன் உத்தரவின்றி

என்னை முத்தமிட்டதில்லையே..

இன்று

சாபங்களே வரமாய்

தோல்விகளே நிரந்தமாய்

வலியே வாழ்வாய்

துடி துடிக்கும்

அபலையின் அழு குரல்

உன்னை தீண்டவில்லையா?

என் வாழ்வில்

வசந்தங்கள் வீசிட

வரமாய் யாசிக்கிறேன்

கலைந்து விடு

உன் மெளனத்தை...

தீபாவளி வாழ்த்துக்கள்

2011-10-25T08:20:00.001-07:00

வலையுலகில்

தடம் பதிந்தது

சிகரத்தினை நோக்கி

வீறு நடை போடும் எனக்கு

ஆக்கமும் ஊக்கமும்

அளித்து ஆதாரிக்கும்

வலையுலக நண்பர்களுக்கு

என் இதயம் கனிந்த

இனிய தீபாவளி நல் வாழ்த்துக்கள்....

வாழ்க்கை பயணம்...

2011-10-21T12:24:00.000-07:00

மனித வாழ்வில்

எண்ணில் அடங்கா ஆசைகளை

எண்ணி எண்ணி வடிவமைத்தாலும்

மாற்றம் என்னும் சொல்லை

மாற்றியே செல்கின்றது

வாழ்க்கை.

கற்பபை வாசலில் இருந்து

துளிர்விடும் தருணம் முதல்

நான்கு கால்களில்

ஊர்வலமாக செல்லும் வரையில்

எத்தனை உறவுகள்

பாச வலையில்

பாலம் அமைக்கின்றன...

தாயின் வடிவில்...

தந்தையின் வடிவில்...

சகோதர வடிவில்...

காதல் வடிவில்...

நட்பின் வடிவில் என...

விரிந்தே செல்கின்றது

வாழ்க்கை பயணம்...

சந்திப்பவர்கள் எல்லாம்

கூடவே இருப்பார்கள் என

சிந்திக்கும் வேளையில்

வாழ்க்கைப் பயணத்தின்

ஒவ்வொரு நிறுத்ததிலும்

ஒவ்வொருவராக மறைந்து

போகின்றார்கள்....

இல்லை இல்லை

மறந்தும் போகின்றார்கள்...

உறவுகள் இன்றி

உயிர் துடிக்கும்

உறவு ஒன்று - இங்கே

தொடங்கிய பயணம்

முடிவினை நோக்கி

காலியான வண்டியாய்

தனித்தே பயணிக்கின்றது

அடுத்த நிறுத்தத்தை நோக்கி.....

அரவணைப்பு..

2011-10-16T12:22:00.000-07:00

உன்னோடிருந்த

ஒரு சில
ஒன்றரை நிமிடங்கள்

மட்டும்...

இன்னும் இதயத்தில்

பக்குவமாய்....

உன்னை

கண்டியணைத்ததை விட

உன் கண்ணீர்துளிகள்

துடைத்ததே அதிகம்.....

உன் பிரிவால்...

2011-10-11T12:58:00.000-07:00

என் வாழ்வின் அர்த்தங்களை

உணர வைக்க

உதயமான உறவொன்று

திசைமாறும் வேளை

தடுமாறுகின்றேன்

தனிமை எனும் கொடுமையில்..

இதயங்களின் சங்கமிப்பில்

அன்பினை பரிமாற்றி

பாசத்தில் பிண்ணி பிணைந்து

வாழ்க்கை எனும் கடலில் - என்

கண்கள் வளர்ந்திட்ட

கனவுகள் இங்கே

காணல் நீராய் போனதடி

உயிரே நீ என

உணர்வோடு வாழும் எனை

விதியே நீ என

தெருவோரம் வீசியதில்

துடி துடிக்குது என் இதயம்.

உணர்வினை ஊமையாக்கி

உறவுகளுக்காய் சிரித்து - என்

உள்ளம் வடிக்கும் கண்ணீர்

உதிரத்தில் சங்கமிப்பதால்

தினம் தினம்

மரணித்துக் கொண்டிருக்கிறேன்

உன் பிரிவால்...

தவிப்பு..

2011-10-03T04:29:00.000-07:00

என்றும் இல்லாத நிசப்தம்

ஏனோ இன்று

என் வாழ்வில் நிரந்தரமாய் ஆனது

நான்கு சுவர்களுக்கு

நாட்களும் அதுவாய் கழிக்கின்றது..

பூத்துக் குலுங்கிய பூங்கா வனம்

இன்று புழுதி பல படிந்து

குருதியில் தோய்ந்த

போர் நிலமாய் என் வாழ்க்கை....

தனிமையாய் இருந்திருந்தால்

தவிப்புகள் குறைந்திருக்கும்

காதல் எனும் வடம் பிடித்து

காணாமல் போனவர்கள் பல பேர்

இதில் கடைசியில் நானும்

இணைந்து கொள்ளும் கொடுமை இதுவோ

ஆடிப் பாடி திரிந்த இடமெல்லாம

ஆள் அரவமற்று

அமைதியாய் இருப்பதாய் ஓர் பிரமை.

கை கோர்ந்து நடந்து திரிந்த

கடற்கரையோர கடலலைகள்

எள்ளி நகையாடுகின்தே

என் நிலை கண்டு...

நிலவினை ரசிக்கையில்
உயிரான அவன் நினைவுகள்
எரிமலையாகி என்னுள்
அணு அணுவாய் உயிர் பறிக்கும்
கொடுந் துயர் இதுவோ...

நீண்ட இரவினால்

நிம்மதியின்றி தவிக்கும்

தலையணையுடன்

சேரந்து என் மனசும்..

முத்தம்...

2011-09-23T01:17:00.000-07:00

அந்தி சாயும் நேரம்

அன்று கடற்கரையோரத்தில்

கடலலை எமை நனைக்க

இயற்கையின் படைப்பில்

எம் கண்கள் வியக்க

அதை கண்டு நிலா

கண் சிமிட்ட

முகில்கள் தன் கண்னை மூட

சத்தமின்றி நீ

பதிந்த முத்தம்

காயவில்லை இன்னும்...

விவாகரத்து...

2011-09-18T23:26:00.000-07:00

பேசி பேசி பார்த்தாச்சு

பேச்சும் முடியவில்லை

முடிவும் எட்டவில்லை

ஓர் முடிவினை நோக்கி

பல விதங்களில் பேச்சு

விடிய விடிய பேசினர்

விடித்த பிறகும் பேசினர்.

விரிசல்களும் அதிகரித்தன

விரக்தியுடன் வலி அதிகரிக்க

தொடர்ந்தனர் தம் பேச்சை

இருந்தும் முடிவு எட்டவில்லை

அன்பாக பேசினர்

அதிகாரமாக பேசினர்

எல்லை மீறியும் பேசி பார்த்தனர்

தீர்வு ஏதும் எட்டவில்லை

சந்தேகம் இங்கு

ஆட்சி செய்தமையால்,

புரிதல் இங்கு கேலி கூத்தானது

காதல் இங்கு கபடமானது

வாழ்க்கையே சூனியமானது.

இதற்கு பிறகும்

பேச்சு எதற்கு?

இரு மனங்களுடன் உறவாடி

தீர்க்கமான முடிவை எட்டினர்

கணவன் - மனைவி எனும்

உறவை விடுத்து

நண்பர்களாக வாழ என...

தாய்மை....

2011-09-10T21:18:00.000-07:00

இதம் தரும் உணர்வுகளுடன்

அனுதினம் கலண்டர் கிழிக்கையில்

அச்செய்தி கிடைத்திடுமோ - என

ஏங்கத்துடன் இருந்த அவள்,

ஆண்டு பல கடந்தும் - அவள்

புரிந்திட்ட நன்மையின் விளைவால்

ஆண்டவனின் அருளால்

அவள்தன் தங்க வயிற்றில்

குட்டி நிலா துயில் கொள்ள

தனியான இடம் அமைத்து

பெண்மைக்கே பெருமை சேர்க்கும்

தாய்மை என்னும் உறவுக்குள்

நகர தொடங்கி விட்டாள்

இன்று முதல்...

வெறுமையாய் இருந்த அவள்

முழுமையாயாய் ஆனாதினால்

ஆனந்தத்தில் மூழ்கியே

சரணடைகின்றாள் தன்

கணவன் மடியில்....

பிரிவால் துவண்டு இருந்த

உறவினர் முகங்களிலே

ஆயிரம் மின்னல் அடித்திடும்

புன்னகையின் பிரதிபலிப்புக்கள்..

குட்டி நிலவின்

வரவை எண்ணி

கலண்டரின் அருகில்

காத்திருப்பது அவள் மட்டுமல்ல

அவளின் தாய்மையும் கூட...

சில்மிஷம்.....

2011-09-05T10:47:00.000-07:00

வெறுமை என்னை

ஆட்கொள்ளும் தருணங்களில்

துணைக்கழைக்கின்றேன்

உன் நினைவலைகளை

அது என்னை

சீண்டுவதும்

கெஞ்சுவதும்

கொஞ்சுவதும்

அடிமையாவதும்

உணர்வுகளை தூண்டுவதும் - என

தொடர்கின்றது சில்மிஷங்கள் - நீ

என் அருகில்

இல்லாமல் போனாலும்கூட...

இன்றைய மனித வாழ்வு...

2011-08-30T22:59:00.000-07:00

நிஐயங்கள் கூட
நிழலாகி போகின்றது
நிதர்சனங்கள் கூட
நிச்சயமற்று போனதால்
நிம்மதி இழந்து
நிலை குலைந்து
நிர்க்கதியற்று போனது
இன்றைய மனித வாழ்வு....

வாழ்க்கை சிறையில்...

2011-08-28T22:45:00.000-07:00

"அழகை விடுத்து
அறிவை நேசித்தேன்...."
"பணத்தை விடுத்து
பாசத்தை நேசித்தேன்..."
"ஆடம்பரத்தை விடுத்து
அடக்கத்தை நேசித்தேன்..."
"ஆணவத்தை விடுத்து
அன்பை நேசித்தேன்...."
இருந்தும் இன்று
வாழ்க்கை என்னும் சிறையில்...
தூக்குத் தண்டனை கைதியாக........

தாமரை போல்...

2011-08-28T01:51:00.000-07:00

சூரியன் உதயத்திற்கு
காத்திருக்கும்
தாமரை போல்...
உன் மார்பில் சாய்ந்து
ஆதங்கம் தீர்ந்திட
காத்திருக்கிறேன்
உன் நினைவுகளுடன்...!

சிறகினை தந்து பறிப்பது நியாயமா?

2011-08-25T23:28:00.000-07:00

இவ் உலகில் என்னையறிந்து
அன்பெனும் சிறகினை தந்து
உறவெனும் உரிமை தந்து
உயரப்பறக்க வைத்தாய்
உல்லாசமாய் ரசித்து சிலிர்க்கையிலே
அன்பெனும் சிறகினை
அடிமையென ஆயுதங் கொண்டு
வெட்டியே சரிக்கின்றாய்
சிறகினை தந்து பறிப்பது நியாயமா?

குடும்பமாய் கூடு கட்டி
வாழ்ந்திட ஆசைகொண்டேன்
மரமான உன்னை தாக்கியது யாரோ-ஆனால்
கூட்டை தாக்கியது நியே...!
விதியா இல்லை சதியா தெரியவில்லை
கூடு இழந்து தவிக்கும் என் சிறகினை
மீ்ண்டும் மீண்டும் பறிக்கின்றாய்....!
பறக்க தான் நினைக்கின்றேன்
மரமாய் என்னை தாங்கும்
உன்னை விட்டு பறப்பதற்காய் அல்ல
உன் உணர்வுகளை மதிக்கும்
ஓர் பறவையாய்.....!

அன்பெனும் அமுதத்துடன்
செளிர்ப்பாய் இருந்த உன் உள்ளம்
அடிமையெனும் விசம் கலக்க பட்டு
பட்டமரமாய் உன் உள்ளம்...
விசத்தனை கக்கி அன்பெனும் அமுதத்தை விழுங்கி
மீண்டும் செழித்து வளந்திடு
மீண்டும் உன்னில் கூடு கட்டி
உறவாடிட உதவிடு
சிறகொடிந்த பறவையாய் காத்திருப்பேன்
உனக்காக அல்ல
நீ தரும் அன்பெனும் சிறகுக்காய்......

தோழியே!!!

2011-08-22T20:43:00.000-07:00

அன்பினிலே.

தாயின் மறு உருவமானாய்

தந்தையின் பொறுப்பானாய்

அறிவுரையில் அக்காளானாய்

அதட்டுதலில் அண்ணானாய்

சம உரிமை அளித்திடும் தங்கையாய்

அறிவுரை சொல்லுகையில்

என் பாட்டி கூட - உன்னிடம்

பாடம் கற்கும் ஆசானாய்

தோழியே!!!

ஒரு உருவில் என்

குடும்பததைக் கண்டேன் உன்னில்....

காலமும் தன் கடமையாய் செய்ய

நாட்களும் அதுவாக தொலைய

எல்லைகளும் படிப்படியாக அதிக்கரிக்க

உள்வாங்கப்பட்ட புது உறவால்

ஊசல் ஆடத் தொடங்கியது நம் நட்பு

பூவாய்....

பிஞ்சாய்...

காயாய்....

கனியான நம் நட்பு

அந்நிய சக்திகளின் ஆக்கிரமிப்பால்

அந்தரிக்கும் நிலையிது வேதனையே...

மாற்றம் என்பது மாறாததொன்று - இது

யாவரும் பிதற்றும் கோஷம்

வேண்டவே வேண்டாம்

மாற்றத்திற்கு புது அர்த்தம் கொடுபோம்

கை தொடுத்திடு என்னுடன்

நட்பில் ஏது வேற்றுமை

உலகிற்கே பறைசாற்றுவோம்

வெற்றி கோசம் முழங்குவோம்

இமயத்தையும் தாண்டி

விசாலமானது நம் நட்பு என்று....

அவன் நினைவுகள்.....

2011-08-18T06:32:00.000-07:00

காத்திருந்து காத்திருந்து

காலங்கள் கரைந்த

ஏக்கங்களுகம் அதிகரித்த

நாடி நரம்புகள் துடிக்க

அவன் வருகைக்காய்

காத்திருந்த - அக் கணப்பொழுதுகள்

இன்று நினைக்கையில்

இனிமையான நினைவுகள்

வலியுடன் கலந்து

புதுவித உணர்வுகளை - என்னுள்

பிறப்பிக்கின்றன இன்னும்....

நட்பில் வளர்ந்த காதல்

வீரியம் கொண்டு வளர்கையில்

என் இதயம் அகற்றி

இன்னொரு இதயம் சுமக்கையில்

பல ஆயிரம் நட்சத்திரங்களில்

நானும் ஒன்றையாய்

பிரகாசித்த தருணங்கள்

இன்றும் இனிக்கின்றன.

தொலைபேசியில் அழைப்பில்

சிணுக்கிடும் அவன் பெயர்

செல்லமாய் எனை அழைப்தாய்

இன்றும் ஓர் பிரமை

என்னைச் சுற்றி....

விடியாத இரவுகளில்

முடிவுறாத அவன் நினைவுகள்

இளமையின் துடிப்பில்

வெட்கப்படும் மனசு

பசுமையான நினைவுகள்

இன்றும் படர்கின்றன என்னில்...

காத்திருப்பு....

2011-08-11T02:06:00.000-07:00

கன்னியவள் கை பிடிக்க

கண் தூங்கும் நேரம் முதல்

காலை வரை திரண்டு வரும்

கனவுகளில் தினம் மூழ்கி

கடந்தோடும் மணிந்துளிகள் ஒவ்வொன்றும்

கலந்து பெருக அவள் நினைவு - இன்ப

களிப்பினிலே அவன் மனம்.

கானும் காட்சியெல்லாம்

கன்னியவளாய் தோன்றிட

ஒலிக்கின்ற ஓசையிலே - அவள்

நாமம் தித்தித்திட

இசையும் இனிமையும்

இணைந்த இன்பத்தில்

இவ்வூலகில் அவன் இன்று

மனதினிலே மாளிகை கட்டி

மன கற்பனையில் வாழும் அவன்

மண மஞ்சமதில் மாலை சூட்டி - தன்

மனைவியாய் மனைதனை

அலங்கரிக்கும் அன்நாளுக்காய்

அல்லும் பகலும் காத்திருக்கின்றான்.....

உண்மையான நட்பு.....

2011-08-07T11:03:00.001-07:00

உலகில்

இறைவனின் படைப்பான

அழகிய சிற்பமான

பல சிற்பிகளால் - இணைந்து

செதுக்கப்படும்

இல்லை இல்லை

உடல் வளர்ந்து

உயிர் கொடுக்கும்

உன்னதாமான உறவாக

நட்பு...

தாம் வாழ

பிறரை வருத்தும் உறவில்

தன்னை வருத்தி

பிறரை சிரிக்க வைக்கும்

உண்மையான,

தூய்மையான,

நம்பிக்கையான,

துன்பத்தில் சம பங்கு தருவதே

உண்மையான நட்பு.....

அந்த நிமிடத்தில்...

2011-08-03T21:57:00.000-07:00

நேற்று தொடங்கி

இன்று வரை நீடித்த

என் உள்ளத்து உணர்வுகள்

அடங்கியே போனது - இன்று

அந்த சில நிமிடங்களில்....

காதல் என்னும் வானத்தில்

சுற்றி திரியும் பறவைகளில்

நானும் விதிவிலக்கல்ல.

அவளை காணும் வரையில்...

இனிமையான நினைவுகளினால்

இதழ் விரிக்கும் உணர்வுகள் - என்னி்ல்

தினம் தினம் அதிகரிக்க

காத்திருக்கும் கணபொழுதுகள்

பெரும் மூச்சுடனே

கரைந்தே போய் இருந்தன

இன்று வரை....

கணிசமான கணப்பொழுதுகள்

கழிகின்றது அவளுடனேயே..

இருந்தும்

தனிமையும் வெறுமையும்

எனை ஆட்கொள்ள

தவியாய் தவிந்தது மனசு...

ஏதோ..

ஒரு வித உணர்வு பிறக்க

ஒப்புவித்தேன் என்

உள்ளத்து உணர்வுகளை.

பலமாக யோசித்தவள்

பரிவாக எனை நோக்கி

பச்சை கொடி காட்டியதினால்,

சிறகுகள் இன்றியே

பறக்கிறேன் வானில்

பாக்கியசாலி நான் என்று....

நினைவலைகள்...

2011-07-31T06:23:00.000-07:00

அன்றொரு நாள்

தனிமையின் பிடியில்

நாழிகைகளை கழிக்கையில்

நயமுடன் என்னருகில் - நீ

மனமுருக பேசியதும்

மயங்கி வரும்

மாலைப்பொழுதில்

வலிக்க வலிக்க

உதட்டில் - நீ

பதிந்த முத்தமும்

சுற்றி சுற்றி வந்து

என் மனதை

கொள்ளையடித்த தினமும்...

தனிமையை போக்கிட

தலையணையாய்

எனை மாற்றிய குணமும்...

ஞாபகப் படுத்துகிறது

உன்னை...

தினம் தினம்!!!

துரோகியாய்.....

2011-07-26T11:53:00.000-07:00

அன்பே!!

இனிமையான உணர்வுகளினால்

பின்ணி பிணைந்த நம் உறவு

இன்று சுருதி இழந்து

முட்களால் நிறைந்த

ரோஐாவனமாய் போனதடி

நம் காதல்.

நீ

இன்று மெளனத்தினால்

காதல் மொழி பேசுகையில்

சோர்வடைந்து போகுதடி

என் இதயம்...

நிமிடங்கள்

மணித்தியாலங்களாக மாற

அளவின்றி காலங்களும் கரைய

பேசிப் பேசியே - நாம்

வளர்த்த காதல் செடி இன்று

முகாரி ராகம பாடும்

முறையில் தான்

நியாயம்முண்டோ?

உன்

கண்கள் சிந்தும்

ஒரு துளி நீர் கண்டு

என் இதயம்

உதிரம் வடிக்கும்

உண்மை நிலை -

அறியாயோ?

வானுக்கு ஒர் நிலா போல்

என் வாழ்வில்

வசந்தங்கள் வீசும்

பெளர்ணமி நிலா நீயடி

நிலாவான நீ எனக்கு

நிலை குலைந்து போகையில்

நிம்மதி இழக்கின்றேன்

அத் தருணத்திலே....

என் இதயத்தில்

வலி ஆயிரம் - உன்னிடம்

சொல்லிட துடிக்குது

தினம் தினம்

நிம்மதியாய் நீ வாழ

உணர்வை அடக்கி

உயிரை உருக்கி

நாம் பிரிந்து

பிறர் வாழ - நம்

காதல் சாம்பிராஐயத்தில்

நான் இன்று

துரோகியாய்.....

ஒற்றைவழி பாதை தேடி....

2011-07-21T22:19:00.000-07:00

காதல் செய்த மாயத்தினால்
கன்னியிவள் விட்ட பிழையிது
பெற்றவர்கள் கண்கலங்க
பெரியவர்கள் ஆசியின்றி
உற்றவனை கைபிடித்து
இல்லறத்துள் கால் பதித்தாள்

உறவுகள் தேவையில்லை
உடையவன் போதுமென
உதறிவிட்டாள் உறவுகளை
தனிமையிலே ஒரு ஜோடி
ஒற்றைவழி பாதை தேடி
ஒற்றுமையை தொலைத்தனரிங்கு..

தனிமைபட்ட வாழ்க்கையில்
தம்பிழையுணர்ந்திங்கு
தனித்தனியே புலம்பியென்ன பயன்
பிழைசெய்ய தூண்டுவது காதலா?
இல்லை அவர் அவர் மனமா?
இல்லையேல் பருவமறியா காதலா?
ஆசைப்பட்ட வாழ்க்கை கிடைத்தும்
ஆறுதலின்றி அலையிதிங்கே இரு ஜீவன்.!

காதலில் மயங்கி கற்பனையில் மிதந்து
கற்பனையில் வாழ்ந்திடலாம்
நடைமுறையில் சாத்தியமா?
இவ்விருவுள்ளம் புரியவில்லை
நடைமுறை வாழ்க்கையினை...!

வாழ எண்ணி வாசல்

தாண்டி வந்தவர்கள்-இன்று
வாழ்வை எண்ணி

கலங்குகின்றார்களே...
வாழ வழிகாட்ட யாருமின்றி
வாடி போன மனமுடனே
கதிகலங்கி நிற்கும்

இவ் இரு உள்ளங்களை
சாதியினை காரணம் சொல்லி
மன்னிப்பினை கொடுத்திட மறுத்து
தள்ளியே வைத்தனர் உறவுகள்...!

பிழை செய்தர் தம் பிழையினை
மனதார உணரும் வேளை
மன்னிப்பினை வழங்காத உறவுகள்
மரணித்து வாழும் மனசில்லா உயிர்கள்...!

புரிதலின்றி...

2011-07-19T22:54:00.000-07:00

மனம் சோரும் மறு நொடியே
என் மனதறிந்து நடந்திட
வேண்டுமடா நீ-என
கூறிட வேண்டி மனம்
கற்பனை வளர்த்திடும்
மறுநொடி தடுத்திடும் அதே மனம்
பாசத்தை அளந்திடு
புரிதல் எனும் கருவி கொண்டு...!

மன்றியிடும் என் கண்கள்
உன் கண்களுக்கு தெரியலயா?
மரணத்தை தேடும் என் மனதை
உன் மனதால் புரிந்திடத்தான் முடியலையா?
உனக்கு புரிதல் தான் இல்லையா?

காதலுக்கு தேவை புரிதலென்றாய் அன்று
ஆனால்...

காதலே புரிதலின்றி போனது இன்று..

நான் யார் உனக்கு?

2011-07-15T22:10:00.000-07:00

உன்னுடன் பழகியது குற்றமா
உன்னில் காதல் கொண்டது குற்றமா
உரைத்திடு உண்மையை
உன்னை விட்டு செல்லுகின்றேன்...

உறவுகளை வெறுத்தேன்
உன்னத நட்புக்களை இழந்தேன்
உடையுடன் நடையை மாற்றினேன்
உனக்காக எல்லாம் உனக்காக....

என்நிலை தெரிந்தும்
என்னை வார்த்தையாலே
எள்ளி நகையாடுகின்றாய்
வலிக்க வலிக்க...!
எட்டாப்பழம் புளிக்குமென்று தெரிந்தும்
என்னை ஏன் காதலித்தாய்?

எதுவரினும் எதிர்த்திடுவேன்
என்றும் உன்னை நான் மறவேன்
என்றென்றும் நீ வேண்டுமென்றாய்
என் உயிரே நீ என்றாய்
எல்லாமே வார்த்தைஜாலமா?

நான் உனக்காக எதையிழக்க
உனையிழக்க நான் தயாரில்லை
எனையிழக்க நீ தாயரெனில்
உன் முடிக்கு தடைபோட
நான் யார் உனக்கு?...

உன்னத உறவு....

2011-07-11T07:57:00.000-07:00

தனிமையில் பிடியில்
இனிமைகள் தொலைந்து
பாலைவனமான வாழ்கையில்
பாசம் எனும் உணவுக்கு
வறுமையில் வாடும் போது

சூரியன் உதிக்க
இதழ் விரிக்கும் பூக்கள் போல
காலை நேர பனியில்
உயிர்பெறும் புற்களை போல
அன்றும் என் வாழ்வில்
புத்துயிர் அளிக்க
என் கரம் பிடித்த
உன்னத உறவு ஒன்று.

அன்பினை அமிர்தமாய் அளித்து
ஆசைகளை இனம் காண வைத்து
உணர்வுகளுக்கு உயிர் கொடுத்து
உரிமையினை நிலைநாட்டி
என் திறமைகளை எனக்கே
புடம் போட்டு காட்டிய
உன்னத உறவு ஒன்று..

காலங்களும் இனிமையாய் கழிய
காதலும் நம்முள் தோன்ற
பாலைவன வாழ்கை
சோலைவனங்களாக மாற
பட்டாம்பூச்சிகள் எனை சூழ
காதலில் திழைக்க வைத்த
உன்னத உறவு ஒன்று.

காதலையும் படைத்த கடவுள்
பிரிவு என்னும் கொடுமையும்
சேர்ந்தே படைத்தாரே என்னமோ
பருவங்களில் மாற்றம் வைத்த - கடவுள்
காதலிலும் புரட்சி செய்தாரோ?
இனிமைகளின் உணர்வுக்குள்
பிரிவின் வலிகள் ஒளித்திருப்பதை
அன்று அறிந்திருக்கவில்லை
இப் பேதை இதயம்..

இரத்த நாளங்களை கருக்கி
உணர்வுகளை பலியாக்கி
காதலையும் இழந்து
உறவும் தொலைவாகி போக - மீண்டும்
பாலைவன வாழ்க்கையில்
வறுமையின் பிடியில்
கண்ணீருடன் காத்திருக்கிறேன்

தொலைவாகி போன

என் உயிரான

உன்னத உறவின் வரவுக்காய்.....

மாற்றம்...

2011-07-07T02:32:00.000-07:00

பரந்து பட்ட உலகில்

மாறிவரும் காலத்திற்கு ஏற்ப

மாற்றம்மின்றி சிக்கி தவிக்கிறது மாற்றம்.

பத்து மாதம் சுமத்து

பாசத்துடன் பாலூட்டி

பாசம் காட்டும்

அன்னைக்கும் சேய்கும்

இடையில் ஏற்படும்

வயதில் மாற்றம்...

சுமையை இனிமையாய் சுமத்து

குடும்பம் தழைத்திட

அல்லும் பகலும் உழைத்து

சேய் வாழ தான் சிரிக்கும்

தந்தைக்கும் பிள்ளைக்கும்

இடையில் ஏற்படும்

தனிமையில் மாற்றம்...

ஓர் கொடியில் பூத்து

பாச மலர்களாக

ஓர் தட்டில் உணவருத்தி

ஓர் கூட்டில் வாழும்

சகோதரங்களுக்கு

இடையில் ஏற்படும்

பிரிவில் மாற்றம்....

ஓடியாடி விளையாடி

அறிவு என்னும்

சுவையை பகிர்ந்து

வாழ்வின் சிகரத்தை அடைய

பாடசாலை தரும்

கல்வியில் மாற்றம்....

வாழ்க்கை என்னும் கடலில்

நீச்சல் எனும் ஊடலில் இணைய

கணவன் எனும் துடுப்பை

கை பிடிக்கும் தருணத்தில்

பெண்ணின் பிறப்பில் மாற்றம்..

மாற்றங்களோ

இன்றும் மாற்றமின்றி

மாறிக் கொண்டே இருக்கின்றது...

பாசம்...

2011-06-27T02:15:00.000-07:00

பாசத்திற்கில்லை எல்லை

பாவம் இந்த கோபம் - அப்

பாவியாய் தோற்று நிக்கிறது

பழகிய உறவுகளிடையே..

பாசம் இதன் எல்லைக்குள்

பலம் சேர்ந்து போட்டியிட

பல ஜென்மம் எடுத்தாலும்

பலியாகி போகிறது - அது

பாசத்திற்குள்ளே இங்கும்

பசியிது மறந்து

பகல் இரவெல்லாம்

பகையிது வளர்திடுமோ என

பாவையிவள் பட்ட துயர்

பகிடிக்கு கூட இந்த

பாரினில் யாருக்கும் வேண்டாம்

பண்புடன் பழகுவதும்

பகிர்ந்து கதை பேசுவதும்

பசுமைதனை மீட்டிடவே

பாரினில் கிடைத்திட்ட - புனித

பரிசாம் அழியாத பாசம்.

நட்பின் நாயகியை...

2011-06-24T02:38:00.000-07:00

வண்ண வண்ண மலர்களெல்லாம்
வாசம் வீச வந்துதித்த
வையம் என்னும் தோட்டத்திலே
வசந்தகால புதுவரவாய்
வந்துதிந்த வண்ண மலரே

பாசமதில் மீதமின்றி
பாரினிலே பாச தாயாய்
கணவனுக்கு காலமெல்லாம் காதலியாய்
நட்பினிலே நாயகியாய்
அனைவருக்கும் அன்புருவாய்
அகிலமதில் அலை மோதுதம்மா உன் அன்பு

உதட்டு வழி புன்னகையும்
உள்ளத்து வண்ணங்களும்
உலகமதில் என்றும் நிலைத்திட
உருவேற்று உயிர்பெற்று
புது மலராய் நீ மலர்ந்து
மணம் பரப்பிற்ற இன் நன்நாள்போல்
என்நாளும் புலர்ந்திட
நானும் உனை வாழ்த்துகின்றேன்.

(என்னை கவிதையில் வாழ்த்திய அன்பு உறவுக்கு நன்றிகள்)

அழகு...

2011-06-21T13:15:00.000-07:00

பெண்ணே!!!

அறியாயோ

ஓர் சேதி

பகலை விழுங்கி

இரவினை கக்கும்

பொழுதினிலே

வெளியில் வராதே

பொறாமைப்படும் நிலா

உன் முகத்தைப் பார்த்து.....!

நட்பு

2011-06-17T11:57:00.000-07:00

தோழியே,

உன் பிரிவில் கூட

இனிமையான நினைவுகள்

என்னுள் ரீங்காரம் போடுகின்ற

நாம் பழகி தொலை நாட்களை.

இணையம் செய்த புரட்சியால்

இணைந்த நம் நட்பு

இனிமையாய் நகர்கையில்

இடைநடுவில் வந்த

இடைவெளியும் விலகிடும்

இனிமையும் தொடர்ந்திடும்

விடியாத இரவுகள்

மீண்டும் மலர்ந்திடும்

நம் நட்பின் ஆழம்

நாலு பேருக்கு புரிந்திடும்

நம்பிக்கையே வாழ்வையாய் - நீ

நகர்ந்து செல்கையில்

நிழல் போல் தொடர்ந்திடுவேன்

என்றும் நட்பாய்......

இ(எ)ன்றும் காதலர்களாய்.....

2011-06-11T18:44:00.000-07:00

பாசம் என்னும் வலையில் சிக்கி

பரி தவிக்கின்றேன் பாரினில்..

பாவங்கள் போக்கிட

பாரிகாரம் தேடுகின்றேன்...

விதி தேவன் வரைந்திட்ட

பாதை வழியினிலே

நான் கடந்திட்ட

கடின பாதைகளும் எத்தனையோ....

அன்றும் அப்படித்தான்

மனம் சோர்ந்து தவித்திருக்கையில்

கடவுளின் கிருபையால்

மண்ணுலகில் அவதாரித்த

மானுட தெய்வமாக

அன்று அவள் எனக்கு

வரமாய் கிடைத்தாள்..

அன்பு என்னும் ஒன்றுக்கு

அநாதையாய் அலைந்து

ரணமாய் போய் இருந்த

என் இதய கூட்டுக்கு

அமைதி தரும் இனியவளாய்

என்னருகில் அவள் அன்று..

பசித்தவனுக்கு பாயசம்

கிடைத்தாற் போல்

என்னுள்ளும் பல

மாற்றங்களை ஏற்படுத்திய

மகத்தான உறவான அவள்

நல்ல அம்மாவாக....

நல்ல தோழியாக..

நல்ல காதலியாக...

நல்ல மனைவியாக...

சந்தோசம் என்னும் வானில்

சிறகடித்து திரிந்த பறவைகளாய் - நாம்

காலத்தின் கோலத்தால்

பிரிவு என்னும் அரக்கானால்

திசை மாறி பறந்து

நினைவுகள் என்னும்

சுமையினை சுமந்து

கனவுகள் என்னும் வாழ்வில்

காலத்தைக் கழிக்கின்றோம்

இன்றும் காதலர்களாய்.....

திசைமாறும் உலகில்.!

2011-06-09T21:22:00.000-07:00

தனிமையில் பேசிட

தயக்கமாய் அழைத்தவளை

தன்னிலை மறந்து ரசித்தவனாய்..!

மகிழ்விலே நனைந்தவனாய்

மலருடன் வந்தானே

மலர்விழியாழைக்கான...!

அழைத்ததன் நோக்கம்

அவனாறியாமால் ஆகாயமே

அவனுள் அடங்கியதாய் மகிழ்வில்

அசைபோட்டான் கற்பனைகளில்..!

மலருடன் மனதையும் தன்னுள் மறைத்து

மலர்விழி பேச்சுக்காய் மௌனமாய் நோக்கிட

மனதோடு போராடும் அவள் முகம் கண்டு

மகிழ்வினை இழந்தான் மனதுள் இருள்சூழ.!

அவள் முகம் வாடினால் அறிவான் அவள் வலி

அசைவிலே புரிந்திடும் அவள் மொழி

அணைந்திட தோன்றிடும் அவன் கரம்

அனைத்தையும் செய்திட அவன் தேடல்

அவனுக்கு உரிமை உறவாய் அவளாக வேண்டும்...!

அவன் ஏக்கமாய் நோக்க அவள் பார்வை திசைமாற

அசைபோட்டான இருஉள்ளம் தனிதனியே..!

அதிகம் பேச பாஷையின்றி அழைத்தன் காரணத்தை

அவன்முகாம் பாராமலே செப்பிட்டாள்.!

மனதோடு போராடி மரணித்த மனதுடன் போகின்றேன்

மரணவலியிலும் உன்னை மறவாவலி பெரிதடா

மண்னோடு மரணிக்க எண்ணியும் மறுக்கின்ற என் மனசாட்சி

என்னோடு போரடி உன்னைவிட்டு செல்லுதடா-என்று

சொல்லியழ வந்தவளை மனசாட்சி தடுத்திட

தன் கல்யாண பத்திரிகையினை காட்டிச்சென்றாள்..!

தனித்தனியே இரு உள்ளம் தனிமைக்காதலாய்

ஒருவரையொருவாரறியாமல்

ஒத்தைவழி செல்கின்றனர் ஒருதலைகாதலுடன்

அவனறியான் அவள் காதல் அவளறியாள் அவன்காதல்

யாருமறியார் இவர்கள் காதல்

விதியறிந்த இறைவன் தெரிந்தும் தெரியாமல் இவர்கள் காதல்..!

மலருடன் மனதையும் மறைத்தவனாய்

மனதோடு தோற்று மகிழ்வின்றி அவனின்று.

மணவாழ்வில் மகிழ்விருந்து

மகிழ்வை ஏற்க மறுத்தவளாய் அவளின்று.!

பெண்ணின் அவலம்...

2011-06-03T13:33:00.001-07:00

பெண்ணின் பெருமை பேசும்

இவ்வுலகின் வாழ்வுதனில்

பெண்ணின் வேதனைகள் தான் எத்தனையோ!

இளமைப் பருவ காதலுடன்

இனிமையாய் காலத்தை கழிக்கும்

கன்னியரின் கல்யாண கனவு

மணவறையுடனே மரித்திடும்

மாயம் தான் என்னவோ...

ஆண்கள் என்னும் ஆதிக்க வலையில்

பெண்ணுக்கு விலை பேசும்

பேதகர்களின் ஆசையினால்

முதிர்கன்னிகளின் வேதனைகள் எத்தனையோ?

வீதிகளின் நடக்கையில்

காமுகரி்களில் கண்ணில் பட்டு

காலமெல்லாம் கண்ணீருடன்

காலத்தை கழிக்கும்

பெண்கள் தான் எத்தனையோ?

சுடும் சூரியனாய் சுட்டெரிக்கும்

ஆடவன் வார்த்தைகளால்-மனம்

கல்லான பெண்கள் எத்தனையோ

கல்லறை தேடிய பெண்கள் எத்தனையோ

முகம் தெரிய புது உறவை

மணவாழ்க்கை என தேர்ந்தேடுத்து

சந்தேகம் என்னும் தீயில்

தினமும் தீக்குளித்து

பிறந்த வீட்டுமை பெருமை காக்க

தம் உணர்வுகளை தீயாக்கும்

பெண்கள் தான் எத்தனையோ?

இவர்கள் தான்
பாரதி கண்ட
புதுமைப் பெண்களா?

உறவாக....

2011-05-31T03:05:00.000-07:00

உண்மை உறவுகள்

உலகத்தில் எத்தனை

உள்ளம் அறியாமல்

உருகுதே நெஞ்சம்

கருவினிலே எனை தாங்கி

உதிரத்தை எனதாக்கியவள்

உறவாடி மகிழ முன்னே

உலகத்தை நீந்து விட்டாள்

மடி தந்து பசியாற்றி

பாசத்தை பகிர்ந்திட்ட

வாழ்வின் வழிகாட்டி - பாதி

வாழியினிலே ஏனோ தவிக்க விட்டு

தாயிடம் தானும் சென்றதினால்...

பள்ளித் தோழமையால்

பசுமைதனை உணர்கையில்

பருவகாலம் முடிந்தமையால்

பல திசையில் பறந்து சென்றோர்

பாசத்திலும் வறுமை..

தாங்கிட வேண்டிய நேரத்தில்

தவிக்க விட்டு சென்றதினால்

ஏங்கிய உள்ளமிது

ஏற்க மறுக்குது

அன்புதனை உறவாக....

குட்டிக்கவிதை..!

2011-05-27T23:02:00.000-07:00

நினைவுகள்

தித்திக்கும் உன் நினைவுகள்-என்னை

தீண்டிடும் தென்றலாய் எந்நாளும்....!

**************************************

தேயாநிலவாய்

துள்ளிவரும் புள்ளிமானாய்

தூயவளே உன்னை கண்டேன்

தெய்வம் தந்தவரமடி எனக்கு

தேயாநிலவாய் என் வாழ்வில் நீயடி..!

**************************************

இரு உள்ளம்

சாதி மதபேதத்தால்

தனித்திங்கே இருஉள்ளம்

தவிக்கின்றன தனித்தனியே..!!!

**************************************

பெண் நிலவு

வானம் பார்த்து நிலா ரசிக்கையில்
என்னருகில் இன்னொரு நிலவு.!

*************************************

தரையினிலே

“உயரத்திலே வான்மேகம்

அதன்நடுவே வெள்ளிநிலா”

வானம் நானடி

வெள்ளிநிலா நீயடி..!

இன்பமும் துன்பமும்

2011-05-25T21:42:00.000-07:00

எண்ணங்களெல்லாம் - ஏன்

எம்முள்ளே உருவாகின

எம்மை அறியாமல்

எல்லை அற்று விரிகின்றன

அவை தினம் தினம்...

ஏக்கங்களுக்குள்ளே

தாக்கு பிடிக்காது

சிக்கித் தவிக்கும்

மனம் இதற்காய்

எல்லையை உருவாக்க

எண்ணங்களை முந்தியே

விரைதிட்ட போதிலும்

அங்கேயும் முடியவில்லை

ஒருவித ஊக்கம்

உள்ளுக்குள் உத்வேகம்

சிற்சில மாற்றம்

சில நேரம் தயக்கம்

சொற்ப நேரத்தில்

செயலுடன் இணைந்தே

சிந்தையும் பயணிக்குது

முயற்சியால் புரட்சியில்

எழுச்சி பெற்றிட்ட

எண்ணங்களால் என்றுமே

புன்னகை முகத்தினிலே

பிறர் எழுச்சியில்

வீழ்ச்சியே எண்ணிடும்

நெஞ்சங்கள் முகத்தில்

எள்ளளவில் கூட எங்கையும்

காணவில்லை இன்பத்தில்

எழுவதில் தவறில்லை

எண்ணங்கள் பலவும் - அதை

ஏற்று நடப்பவர்

கைகளில் உள்ளது

இன்பமும் துன்பமும்

-தோழி பிரஷா-

ஆயுள் கைதி

2011-05-22T11:17:00.000-07:00

உள்ளத்தால் இணைந்து

உறவில் கலந்திட்ட

உள்ளங்கள் இரண்டிங்கு

உண்மை உணர்வினை சொல்லிட

உதடுகள் துடிக்குது

உள்ளே ஏதோ தடுக்குது

காதலின் விதியா?

காலத்தின் சதியா?

உணர்ந்திட்ட போதிலும்

உரைக்க மறுக்குது

உள்ளம் உண்மைதனை இங்கு.

நிலையது என்ன

நெஞ்சத்தில் ஏக்கம்

நினைவினில் தாக்கம்

தூக்கமும் போச்சு

வேதனையே வாழ்வின்

அடுத்த நிலையாச்சு

சொல்லவும் முடியாமல்

மெல்லவும் முடியாமல்

மெளனத்தினை துணைக்கழைத்து

விழிநீரை பலியாக்கி

கனவுலகில் காலத்தை கழித்து

காதல் என்னும் இராச்சியத்தில்

ஆயுள் கைதியாக

இன்று நானிங்கு..

டயரியில்.

2011-05-19T21:31:00.000-07:00

தண்ணீரில் தாமரைபோல்

கண்ணீரில் நானின்று...!

உறவுகள் பல உண்டு

போலியாய் உரிமை கூற...

பொறுப்புடன் எமைக்காக்க

எமைவிட்டால் வேறாரு இங்குண்டு?

உண்மை பாசமெங்குண்டு

ஊமையிவள் தேடுகின்றேன்

எங்குமே கிடைக்கவில்லை

ஏக்கத்துடன் வாழுகின்றேன்..!

தேடித்தேடி தொலைத்தேன் பாசத்தை

தேடாமல் தொலைத்னே் நம்பிக்கையை.!

என் இன்ப துன்பங்களை

தொலையாமல் காத்தேன் டயரியில்.

இசையின் திசையிலே....!

2011-05-16T20:55:00.000-07:00

இதமான பூங்காற்றுடன்
இனிய ராகத்தையே
தினம் தினம் மீட்டியவள் - இன்று
ஸ்வரங்களை தொலைந்து
சுருதியில் சேர்ப்பதால்
இசை தான் பிறக்குமா?
சுகம் அது கிடைக்குமா?

ராகங்கள் பலவிதம்
அதன் ரசனைகள் பல சுகம்
தாளத்திற்கு இசையவே
காலத்திற்கு ஒத்துபோகுதே

வாழ்க்கை என்னும் பாடலில்
வசந்தம் எனும் சுகம் காண
பாசம் என்னும் ஸ்வரங்கள்
காலம் என்னும் தாளத்தோடு தப்பாது
சுருதியில் சுய விருப்புடன்
இணையும் இதயங்களிலிருந்தே
இசை மீட்ட காத்திருக்கையிலே
ஸ்வரங்கள் இடம் மாறியதால்
இசை வரும் இசையின் திசையிலே
இனிமையும் மறந்தது....

அவன் நினைவுகள்..

2011-05-13T10:49:00.000-07:00

பார்த்தவுடன் புரியவில்லை
பழகும் போது தெரியவில்லை
பாசம் தந்து கொல்லும் என்று
பிரிவே என்னை வதைக்கிறது
இதுவரை உணராத
உயிர் கொல்லி நோய் போன்று..

அணி வகுந்து வந்தே
இதய ரணத்தில் மேலும்
துளைக்கிறது அவன் நினைவுகள்
காணும் பசும் காட்சிகளெல்லாம்
கானெல் என வெறுக்கிறது
கரும்பு கூட கசக்கிறது
தென்றல் கூட சுடுகிறது.

வாசம் வீசிட்ட
மலர் இதனை வண்டு
அரிந்து சென்றதினால்
வழியில் உதிர்ந்து வாடிற்றே

தேவை எது என அறியாமல்
தேவையற்று புலம்புகிறேன் - காரணம்
காதல் என்னும் பாதையிலே
கற்பனைகள் பல வளர்த்து
கை கோர்த்து வந்தவன்.
கண்னெதிரே இன்னொருத்தி
கைபிடித்து மங்கை இவள்
என் மனையாள் என்றதினால்.....

அன்னையே.....

2011-05-08T13:30:00.000-07:00

அகிலம் இதில் எம்

அவதாரம் அதற்காய்

அந்திபகல் கண்விழித்து

ஐயிரண்டு திங்களாய்

அகத்தினிலே எமை தாங்கி

அன்புதனை அமுதாக்கி - எமை

ஆளாக்கிய அன்னையே

உலகத்தில் இல்லையம்மா

உவமை சொல்ல

உமக்கு ஈடேதும்

தவிழும் வயதில்

தாய் மடி தந்தாய்

இளமைப் பருவத்தில்

இமையாய் இருந்தாய்

துன்பம் எமை

தொடாமல் இருப்பதற்காய்

தூக்கத்தினை நீ மறந்தாய்

ஆயுள் வரை ஆருயிராய்

அன்பில் அமுத சுரபியாய்

எமை ஆளும் அன்னையே

அனுதினமும் வாழ்த்தி

வணங்குகின்றோம்......

துரோகம்...

2011-05-04T00:23:00.000-07:00

தொலைத்தூரத்தில் இருந்து

தொடர்ந்து வருவதில்லை

நெஞ்சுக்குள் இருந்தே

நம்பிக்கை மீதினில்

நஞ்சினை கக்கியே

நாம் அறியாமலே

நம்முள்ளும் வளர்கிறது துரோகம்.

பொழிந்திடும் அன்பினை

இழந்திடும் போதினிலும்

பொங்கிடும் ஆசைகள்

கரைபுரை ஓடிடும் போதிலும்

தஞ்சமே இன்றி மனம்

தவித்திடும் எண்ணத்தில் - தான்

நினைத்ததை நிறைவேற்ற

போராடும் வேளையில்

பிறர் முன் துரோகி...

நேசிக்கும் நெஞ்சங்களுக்காய்

நினைவுகளை நெஞ்சினில்

புதைத்து பூட்டிடின்

உன்னத உணர்வுகளுக்கும்

உன் மனதுக்கும் நீ துரோகி..

புன்னகையோடு புகழ்ச்சியை

கெடுத்தே தினம்

இழப்புக்களோடு இகழ்ச்சியை

வளர்த்தே அதில்

தன்னை வளர்க்குது துரோகம்.

உழைப்பாளிக்கு.....

2011-04-30T22:55:00.000-07:00

தேவைகளை பூர்த்தி செய்ய

தேடலில் இறங்கியவர்

ஆசைகள் அதிகரிக்க

ஆர்வமும் பெருகியதால்

அவற்றினை நிறைவு செய்ய

வேலைகளை தேர்தெடுத்து

சேவைகளை தாம் பகிர்ந்தனர்

சோம்பல்தனை தகர்தெறிந்து

சீரும் சிறப்புடனே நாட்டினிலே

செல்வ வளம் செழிப்பதற்காய்

சிரமமது பாராது உழைக்கிறார்

உடல், உள உழைப்பதனை

உவர்ந்துநீர் வழங்குவதால்

உற்பத்தி பெருகிடவே

உதயமாகும் பொழுதெல்லாம்

உளமகிழ்ந்து வாழ்ந்தனவே

உயிர்களெல்லாம் இவ்வுலகில்.

உயிர்களெல்லாம் உள மகிழ

உதிரத்தை உரமாக்கி

உழைத்திடும் உழைப்பாளி நெஞ்சங்களை

உவ மகிழ்ந்து வாழ்த்துவோம்.

இவள் - அவன் - அவள்...

2011-04-28T02:11:00.000-07:00

வசந்தகால பறவைகளாய்

பாசம் என்னும் சிறகடித்து

வான் உயர பறக்கையிலே

பாதை வழியெல்லாம்

பக்கதுணை தான் இருந்த

அவன் பண்பு அவளிடத்தே

அகிலமதில் ஆண்களுக்கெல்லாம்

அணிமுத்து அவனெனவே

அடையாளம் காட்டியதால்

ஆயுள்வரை உறவாக்கி

அகமகிழ்ந்து வாழ்ந்திடவே

இதயத்தில் இடமொதிக்கி

இரவுபகல் அவன் நினைப்பில்

இணைவதற்காய் இல்வாழ்வில்

காத்திருப்பதை அவனறிய

காரணமே இல்லை..

பாவை அவள் பார்வைபட்டு

பந்தமதில் இணையமலே

பாசத்தினால் மாளிகை கட்டி

நீங்காத அவள் நினைவை

நெஞ்சமதில் குடியிருந்தி

பாட்டாம்பூச்சிகளாய்

பறந்து வரும் இவர்களை

பல வண்ண மலரெல்லாம்

தேன் சுரந்துநின்று

தென்றலுடன் வாழ்த்து சொல்ல

வரும் கால துணை இவனேனவே

எண்ணிய வஞ்சி அவளும் -அவன்

நினைவுகளைநெஞ்சில் புதைத்தே

பாசம் கொண்ட உள்ளங்கள்

வாசம் வீசியே வையத்தில

வளம் வர வாழ்த்துக் சொல்லி

தன் வ்ழிப்பயணத்தை

துணையேது மின்றியே தொடர்கின்றாள்..

அநாதை..

2011-04-24T14:31:00.000-07:00

அவதரித்த அரை நொடியில்

அன்னை அருகே அருகாமலே

அரவணைக்க யாருமின்றி

அறியாமலே அழுகின்றேன்

அகிலமதில் எனை வி்ட்டு

தந்தை தன் வழி பற்றியே

தாய் இவளும் - தன்

பயணத்தினை தொடர்ந்ததினால்

பசியறிந்து பால் ஊட்ட

பக்கதுணை யாருமின்றி

பாட்டிவழி சொந்தமின்றி

பதறியே துடிக்கின்றேன்

சொந்தபந்தம் ஏதுமின்றி

சொல்லியழ வழியுமின்றி

துன்பத்தில் எனை புதைந்து - விட

துளிநீர் கூட மிஞ்சாது

பஞ்சத்தில் வாடும் எனக்கு

பட்டமும் வழங்கி

கெளரவிக்கிறது சமூகம்

அநாதை என்றே என்னை..

பாவப்பட்டவளாய்....

2011-04-21T06:42:00.001-07:00

விதி தேவன் வரைந்திட்டான்
விடியலில்லா இரவுகளாய் - என் மனம்
இருட்டில் இருக்க சபித்திட்டான்...
இறைவனிடம் வரம் கேட்டேன்
என்ன பாவம் நான் செய்தேனென்று
பதில் ஏதும் இன்றி
பாவங்களை சுமந்த
வாழ்க்கை வாழ பிறந்தவளாய்
வாழ்கின்றேன் பாரினிலே..
பரிகாரம் செய்து பாவம் போக்கி
வாழ முயற்சிக்கிறேன் நானும்
ஆயிரம் போராட்டங்கள் மனதினுள்
தோல்வி மட்டும் எனை சூழ
சோர்வின்றி வாழ்கின்றேன் நடைமுறையில்
உறவுகள் நடுவில் போலியாய் சிரித்து
தனிமையில் மனம் சோர்ந்தவளாய்..

நாமும் வாழ்த்துவோம்..

2011-04-14T21:08:00.000-07:00

எனது நண்பன் சிறு வயிதினிலே தாய் தந்தை இழந்து தனித்த போது தாய்க்கு தாயாக இருந்து வாழ்வில் வழிகாட்டி சென்ற தனது அப்பம்மாவுக்கு பிறந்தநாள் வாழ்த்தினை கவிதையாய் இங்கே பகிர்கின்றான்.

85 வது பிறந்தநாளை கொண்டாடும் அப்பம்மாவுக்கு எனது வாழ்த்துக்களும் உரித்தாகட்டும்.

பாசத்தின் உறைவிடமே
பரந்த இப் பூமிகூட
போதுதில்லையும்
பாசத்திற்கு எல்லை சொல்ல...

தாய்மடி இழந்த போதும்
தலைவலி உணர்ந்த போதும்
உம்மடியே தந்து
உயிர் காத்த அன்னை நீ...

தந்தைதனை எமக்களித்து - எம்
தந்தையுமாய் தான் இருந்து
அறிவுரைகள் பல பகிர்ந்து
அகிலமதை திகழ வைத்தீர்...

கல்விக்கு ஆசானை
கடமையிலே சேவகியாய்
நோயுற்ற வேளையிலே
உடனிருந்து தாதியுமாய்
தோள் கொடுத்தே தோழியுமாய்
அப்பம்மா என்னும் உம்வுறவில்
அப்பா, அம்மா அன்புடனே
அறிந்து கொண்டோம்
பாசத்தின் பல வகையை
உங்கள் ஓர் உருவில்.

நாம் வாழும் காலமெல்லாம்
வளமுடனே எம்மருகே
எந்நாளும் நீர் இருக்க
நாளும் நாம் நலம் வாழ - நீங்கள்
தினம் அழைக்கும் ஆண்டவனை
நாமும் அழைத்தே
வரம் வேண்டி வாழ்த்துகின்றோம்..

-கம்ஷன்.-

இனிய தமிழ் புத்தாண்டு நல் வாழ்த்துக்கள்

2011-04-13T14:06:00.000-07:00

அண்ணனுக்கு ஓர் வாழ்த்து.....

2011-04-12T21:01:00.000-07:00

பல வண்ண பூக்கள்

அலங்கரிக்கும் சொந்தமதில்

உள்ளப் பாசமலராய்

வாசம் வீசியே

என்னோடு இணைந்தவரே

புவியிதனில் உம் வரவுக்காய்

புலர்ந்திருந்த பொழுதுபோல

பூவினம் மொட்டவிழ்க்க

புல்லினம் சிறகடிக்க

புலகாங்கிதம் அடைந்தனவே

சூழ்ந்திருந்த சொந்தமெல்லம்...

புதுவசந்தம் வீசிடவே

புறப்படும் முயற்ச்சி எல்லாம்

பூந்தென்றலுடன் இணைந்தே

புன்னகையை கொடுத்திடவே

இன்பமே உறவாக பொழுதெல்லாம்-உம்

இல்லமதில் இதம் வீச.....

அகிலமதை அலங்கரிக்க என்

அண்ணணாய் உருவெடுத்து

அவதாரித்த இன் நன்னாளில்

அனைத்து நலனும் பெற்றே

அகம் மகிழ்ந்தே என்னாளும் வாழ்ந்திடவே

ஆண்டவன் துணைநாடி- நானும்

அன்புடனே வாழ்த்துகிறேன்.

(தனது அண்ணனுக்காக வாழ்த்தும் ஹம்சன்)

அவளுக்காய்...

2011-04-11T21:54:00.000-07:00

விதியேன எண்ணியே
விலகிட்ட போதிலும்
வழியதில் வந்தும்
நிழல் போல் வலியது
தொடருதே என்னை

உறவுகள் உருவாகும் போது
உணராத அர்த்தங்கள்
உருமாறும் போது
உதிரத்தை உறிஞ்சுதே
ஊமையாய் இருந்தே..

வஞ்சம்மில்லாத அவள்
நெஞ்சமதில் - நான்
நேசிக்கப்பட்டதினால்
வஞ்சியவள் வாழ்வில்
வளம் மிகுந்து ஒளிர்வதற்காய்
அன்பு எனும் அணையாய்
அகல்விளக்குக்கு ஒப்பாய்
மாய விம்பத்தினால்
திரியும்மிட்டு அதில்
யாரும் அறியாமலே
அகம் வடிக்கும்
கண்ணீராய் என்னையாக்கி
அதில் ஒளியை தேடுவதை
எனைத் தவிர யார் அறிவர்

அறியாமை....

2011-04-09T04:43:00.000-07:00

என் வாழ்வின் பயணத்தில்
எங்கிருந்தோ வந்தவளே - எனை
தனதாக்கி சென்றதனை
நானே அறியவில்லை
வழிமாறி வந்ததினால்
பழியேதும் வந்திடுமோ?

அழியாத என் பாத சுடுகளில்
வழி தேடி வந்து என்னை - சொந்தம்
குழி தோண்டி புதைந்திடுமோ?

வெளியேற முயலுகிறேன்
துளிகூட முடியவில்லை - அவள்
இதய குழியில் விழுந்த என்னால்...

காதல் தோல்வி....

2011-04-06T12:07:00.000-07:00

சொல்லிக் கொடுத்திட்ட

பள்ளிக் கணக்குடனே
மன பாசத்தையும்
அள்ளிக் கொடுத்ததால்
அதில் மூழ்கிட்டாள் அவளும்

சோகம் மறந்து
துள்ளிக் திரிகையிலே
உள்ளம் கொள்ளை போனதினால்
கள்ளத்தனமாகவே அவர்கள்
காதல் வளர்த்தனர்.

ஒட்டி இருந்த சொந்தமெல்லாம்
திட்டியே தீர்த்தமையால் தினம்
வெட்டியே விலகி பகையினை
கிட்டிய நாட்டுக்கு சென்று - தாலி
கட்டியே வாழ்வதற்கு - இருவரும்
திட்டம் வகுத்தார்கள்

பெட்டியை கையிலேந்தி - கால்
முட்டியின் வலி மறந்து
எட்டியே பார்த்து நின்றான் தெருவை

கட்டிக் காத்து வளர்த்திட்ட
பெற்றவர் சிந்தையது
முட்டியே மோதியதால் மூளையை
வெட்டியே விட்டுவிட்டாள்
வெளிக்கிட்ட பயணத்துடன்
விரும்பிய உள்ளத்தையும்..

உயிரிலே கலந்திட்ட அவன்
உருவமதால் உடைந்த மனம்
ஊரார் எய்திட்ட - வார்த்தை
அம்புகளின் அவமானத்தினாலும்
மாத்திரையை துணைக்கணைத்து
மரண தேவதையின்
மடியினிலே தலை சாய்ந்தாள்..

தோழியே....

2011-04-02T11:48:00.000-07:00

எங்கெங்கோ பிறந்து

எல்லையற்று மிதங்கும்

எண்ணங்களை எம் கைக்குள்

அடக்க நினைப்பது

நிலையா? நியாயமா?

பிறக்கின்றே போதே

விதித்தி்ட்ட விதியை

விலகிட்டே நீயும்

வென்றிடலாமா வாழ்வை

நினைக்கின்ற போதே

கனக்கின்ற மனதை

களைத்திடத்தான் ஏதும்

மார்க்கமுண்டா தோழி?

வாழ்வின் உயர்ச்சிக்காய்

முயற்சிக்கின்றோம் தினம் - ஆனாலும்

மூழ்கியே எழுகின்றோம்

விதியெனும் சமூத்திரத்தில்..

விதிவழியாய் வரும்

வலியானது இங்கே

விழி வழியாய் விடும்

கண்ணீரோடு சங்கமம்

முடியவில்லை என்னால்.!!!!

2011-03-31T17:13:00.000-07:00

ஆயிரம் வார்த்தைகளால் -என்னை

புரிந்திட வேண்டினேன் உன்னிடம்

புரிந்தும் புரியாமல் புலம்புகின்றாயா?

புரிந்தும் ஏற்க மறுக்கின்றாயா?

புரியமுடியவில்லை உன்னை என்னால்.!!!!

தோழனாய் எப்போதும் தோள் கொடுத்தாய்

நல்லவை தீயவை எடுத்துரைத்தாய்

காதலனாய் என்னை அரவணைத்தாய்

இன்று என்னை புரிய மறுக்கின்றாய்

புரியமுடியவில்லை உன்னை என்னால்.!!!!

பாசத்தால் வேலியிட்டாய் அன்று

பாசத்தை வேசமென்கின்றாய் இன்று

பங்குபோட பாசமென்ன விலைப்பொருளா?

உறவுகள்மேல் பாசம் கொள்வது தவறா?

உன்னைமட்டு நேசியென்பது நியாயமா?

புரியமுடியவில்லை உன்னை என்னால்.!!!!

வாழ்க்கையின் ஆணிவேர் நம்பிக்கை-அதனை

புடுங்கி எறிகின்ற கோடாரியாய் சந்தேகம்

எதிலும் சந்தேகம் கொள் தீர்விருக்கும்

பாசம்மேல் சந்தேகம் கொண்டாய் என்ன செய்வேன்

புரியவைக்க முடியவில்லை

புலம்புகின்றேன் தனிமையிலே

புரியமுடியவில்லை உன்னை என்னால்.!!!!

உன் குழப்பத்திற்கு விடைதேடி

வினவினேன் வினாக்களை என்னிடம்

விடை கண்ணீராய் விழிவழியே.

புரியமுடியவில்லை உன்னை என்னால்.!!!!

.....................................................................

நட்பாயிருக்கையில் நம்பிக்கைகொள் நட்புமேல்

காதலராயிருக்கையில் நம்பிக்கைகொள் காதல்மேல்

கணவனாயிருக்கையில் நம்பிக்கைகொள் மனைவிமேல்

மனைவியாய் இருக்கையில் நம்பிக்கைகொள் கணவன்மேல்

நல்ல தந்தை தாய் இருக்கையில் நம்பிக்கைகொள் பிள்ளைமேல்

பாசமாய் நீ இருக்கின்றாயா? பாசம்மேல் நம்பிக்கைகொள்

உண்மை உறவுகள்மேல் நம்பிக்கைகொள்

சந்தேகம் உன்னை நெருங்காது.

............................................................................

முத்தம்...

2011-03-28T21:34:00.000-07:00

முத்தம் இதன் அர்த்தம்

அவர் தத்தம்

உறவுகளுக்கேற்ப

நித்தம் நேசிக்கப்படுகிறது

அன்பு நெஞ்சங்களாய்

அளவிட முடியாத

அன்பின் ஆழமதை

அள்ளியே வழங்கிடுவர்

அன்பு முத்தத்தினால்

கொஞ்சி பேசிடும் குழந்தையிடம்

கெஞ்சியே வாங்கிடுவர்

முந்தி தவமிருந்து

மூன்னூறு நாள் சுமந்து

புவிதனில் பிறந்ததும்

உச்சி முகர்ந்தவள்

அளித்திடும் அன்பு முத்தமதில்

அனைத்தையும் மறக்கின்றாள்

பிஞ்சு பாதங்களினால்

நெஞ்சில் கோலமிட

கஞ்ச தனமின்றி அன்பு

கரைபுரட்டோடுது தந்தையின்

அன்பு முத்தத்தில்..

கூடப் பிறந்தோரும்

கூடி ஓடி விளையாடுவோரும்

கூட வரும் உறவுகளும்

கொடுத்து பரிமாறிடுமே

பக்கத்தில் இருந்து மட்டுமல்ல

காற்றில் பரந்தும்

கடிதத்தில் புதைந்தும்

தொலைபேசி தொடர்பிலும்

பாரிமாறுகிறார் பாசமாய்...

அன்பின் அமுத சுரபியாய்

அனைத்து உயிர்க்கும் பொதுவாய்

அகில உலகமே பரிமாறும்

அன்பின் சின்னம் முத்தம்.

மகா கவி...!

2011-03-24T23:28:00.000-07:00

எட்டைய புரத்திலே
ஏழ்மையின் மடியிலே
ஆதிபகவானுக்கு
அலுக்காமல் தொண்டு செய்யும்
அந்தனர் குலத்திலே அவதரித்தாராம்..

மலர்ந்த முகத்துடன் கூடிய
முறுக்கு மீசையிலே
தெரிவது தோற்றமட்டுமல்ல
தெளிந்த உணர்வுகளும்

ஆண்டவன் கொடையாம்
இயற்கையை வியந்தான்
ஆதிசக்தி அன்யை
அருள் வேண்டியே புகழ்ந்தான்
ஓடி விடையாடும் குழந்தையை
கூடியே பாடி விளையாட
பறவைகள் பண்பினை
பாடலாய் பாடினான்

அறியாமல் கொண்டே
அடங்கிய சமூகத்தில்
அடங்கிய பெண்மையினை
வெளியே கொண்டு வர
அறிவினை ஊட்டியே
புரட்சியை நடத்தினார்.

ஏழ்மையை மறந்து
ஏற்றத் தாழ்வின்றி
எம்மினம் வாழ்ந்திட
சாத்திரம் அளித்தே - புது
சரத்திரம் படைந்தார்

கலைகளில் திகழ்ந்வன்
கண்ணமைமிதினிலே
காதலில் விழுந்தே - அவள்
கைத் தலம் பற்றினான்

அஞ்சியே வாழ்ந்ததற்கு
அஞ்சாமை ஊட்டியவன்
ஆர்வம் மிகுதியால்
ஆபத்தை ஏற்றான்

புரட்சிக் கவியிலே விஞ்சியவன்
மதம் மிஞ்சியே நின்ற
யானை அருகினில்
அஞ்சாது சென்றமையால்
பஞ்சாய் தூக்கியே
பரலோகம் சேர்ந்திற்று
மலர்ந்து மணம் பரப்பி
மக்கள் மனதில்
இடம் பிடித்தமையால்
மஹா கவியானர்
பாரதியார்..